Þetta var góður árangur hjá Liverpool þó svo að þetta hafi verið eins naumt og hugsast gat. Það er nokkuð annað en verður uppi á teningnum í kvöld þegar besta lið í heimi mun gjörsigra Lille.

Sammála síðasta ræðumanni. Ég spái því að markamaskínan John O'Shea skori þrennu í kvöld. Drengurinn er sjóheitur þessa dagana. Skemmst er að minnast sigurmarksins gegn Liverpool, sem nú hefur tapað tveimur leikjum í röð á heimavelli þrátt fyrir urmul af færum. Ætli Voronin bjargi ekki málum þar á bæ og næsta tímabil verður frábært, eins og stuðningsmönnum liðsins er tíðrætt um á hverju ári.

Ég er hársbreidd frá því að eyða commenti Dags útaf síðunni ! :)

Munurinn á Lille og Barcelona er líka svipaður og munurinn á Byrginu og Regnbogabörnum.

Ertu þá að meina með þessum samanburði að menn sem byrji í Lille endi í Barcelona?

Hins vegar verð ég að lýsa því yfir hvað ég er ánægður að sjá að þú ert aftur byrjaður í "sleggjunum". Hef ekki lesið svoleiðis lengi hjá þér. Þá er ég að tala um: "Sissoko bestur í heiminum í sinni stöðu."
Hver man ekki eftir sleggjum eins og: "Dudek besti markvörður í heimi" eða "Owen besti framherji í heimi" ???
Svona mætti lengi telja. Gaman að geta þess einnig að báðir fyrrnefndu mennirnir sem áttu það sameiginlegt að vera bestir í heimi í sínum stöðum að þínu mati, hafa drullað gjörsamlega upp á bak. Verður fróðlegt að sjá hvar Sisso verður eftir 2-3 ár!!

Góður punktur Andri.

Ég er einn þeirra sem hafa saknað þessarra sleggja mjög mikið. Vonandi er að þetta sé bara byrjunin og áður en tímabilið er á enda hafi Ævar spáð Liverpool sigri í stórleik, en það hefur ekki gerst síðan 2004. Síðan þá hefur hann spáð öllum stórleikjum liðsins 3-1, hinu liðinu í vil. Mig minnir þó að einhverntíman hafi hann spáð 3-0 tapi en það er þá í eina skiptið.

Fleiri sleggjur hafa einmitt flogið undanfarið sem vert er að bóka, t.d. J.A.Riise er besti bakvörður í heimi og Pennant besti krossari í heimi. Það er rétt að halda þessu á lofti.

Ótrúlegt miðað við hve margir leikmenn í Liverpool eru bestu menn í sinni stöðu að liði skuli þrátt fyrir það vera 19 stigum á eftir Manchester United í deildinni, hefur skorað 22 mörkum minna og fengið á sig einu marki meira. Furðulegur fjandi.

Veit ekki hvaða bak Dudek hefur drullað upp á ?

Vissulega skeit Owen langt upp á herðar þegar hann tók þá ákvörðun að ganga til liðs við Real Madrid til þess að verða evrópumeistari. Örfáum mánuðum síðar fögnuðu við poolarar einum sætasta sigri í úrslitaleik evrópukeppninnar hingað til ! Við eigum nú bara 2 leikmenn sem stendur, sem eru þeir bestu í sínum stöðum. Það eru sem fyrr segir, Sissoko (kemur rétt á undan Mascherano) og svo Steve Finnan.

Bara tvo?? Ertu búinn að selja Dudek??

Bíddu ætlarðu að halda því fram að Dudek hafi ekki drullað upp á bak?
Er hann kannski besti markmaður í heimi í sinni stöðu (þ.e. varamarkvörður)?

Ég held að lfc hefðu aldrei orðið CL meistarar með Owen innanborðs. Þá hefði hann alltaf verið að spila þegar hann var ekki meiddur og ekki getað neitt!!!

Það væri líka fróðlegt að fara aðeins til baka og rifja upp yfirlýsingarnar um nýju mennina. Þær hefur aldrei vantað!
Man t.d. þegar Morrinn var á leiðinni til lfc. Þá rökræddum við mjög mikið um hvort hann myndi geta eitthvað á englandi! Ég myndi segja að "spádómur" minn, um að hann færi snimmdegis "heim" með skottið á milli lappanna hafi ræst svo um munar!

Ég held að Dudek sé ekki einu sinni besti varamarkvörður heims, ég held að hann sé ekki einu sinni besti markvörður Póllands. Báðir þessir titlar falla í skaut landa hans, Tomasz Kuszczak.

Ég held að Finnan sé ekki bestur í sinni stöðu, ég er ekki einu sinni viss hvaða stöðu hann spilar núna - stöðugt hringl á honum í gegnum árin. Ég er ekki einu sinni viss um að ég þekki hann í sjón, enda oft varamaður í sínu liði.

Þessi Sisskó er náttúrulega ekki leikmaður fyrir fimmaura, það eru svona 25 leikmenn betri í hans stöðu innan Evrópusambandsins.

Það er auðvitað erfitt að rökræða við fólk sem kann ekki að lesa, en ég skal gera mitt besta til að svara þessu.

Dagur - "Við eigum nú bara 2 leikmenn sem stendur" Dudek var úthýst af Benitez eftir að hafa fært honum evrópumeistaratitilinn og hef ég aldrei verið sáttur við þá meðferð á Dudek.

Andri - "Bíddu ætlarðu að halda því fram að Dudek hafi ekki drullað upp á bak?" Hann hefur frá evrópuleiknum gegn Milan fyrir tveimur árum síðan, ekki átt upp á pallborðið hjá stjóra sínum, það vita allir sem fylgjast e-ð með. En í þeim leik færði hann okkur evrópumeistaratitilinn sem glæsilegum hætti. Þess vegna tel ég hann ekki hafa drullað upp á bak.

Aðalsteinn - Tomas Kuzczak getur ekki neitt, var ágætur í liði wba sem féll einmitt í fyrra, en oft á tíðum eru markverðir áberandi í þannig liðum og verja þá nokkra bolta, enda fá þeir marga bolta á sig. Kuzczak er varaskeifa fyrir útbrunninn hollending sem spilað hefur stóran part af ferli sínum með Fulham. Ben Foster kemur til með að leysa Saar af hólmi þegar sá síðarnefndi sér að sér og hættir þessu boltabrölti. Steve Finnan er besti hægri bakvörður í heiminum í dag, sýndi það og sannaði með því að jarða Ronaldinho, besta leikmann heims undanfarin ár, í viðureignunum tveimur nú á dögunum sem Liverpool vann.

Mér finnst nú ekkert slakt að vera varaskeifa fyrir besta markmann heims, sem van der Saar er.

Í fljótu bragði man ég eftir þessum hægri bakvörðum sem eru betri:

Gary Neville,
Arne Friedrick,
Lucas Neil (sem Liverpool reyndu að fá í janúar til að leysa títtnefndan Finnan af vegna þess að hann er ekki nógu góður að þeirra mati),

og þetta eru bara þeir sem ég man eftir á svona 1. min.

Það er nú ekkert svo mikið afrek að jarða þennan Ronaldinho eins og hann er að spila á þessu tímabili. Ég man ekki betur en að Kahlid "The cannibal" hafi gjörsamlega tekið hann í þurrt í leik Barca og Chelsea í vetur þrátt fyrir að vera ekkert sérstakur leikmaður og ekki einu sinni bakvörður að upplagi - spilar miðvörð ef hann fær að ráða.

Face it, þetta lið Liverpool er nú, sem endranær, hálffullt af miðlungsleikmönnum. Hefðin og stuðningsmennirnir er það sem heldur klúbbnum í topp 5.

Ég nenni ekki að rífast um þessi markmanna mál!
Það má alveg færa rök fyrir því að Dudek hafi ekki fengið sín tækifæri eftir úrslitaleikinn en þessi tækifæri sem hann hefur fengið hefur hann ekki nýtt. Leikform kannski?

En talandi um varnarmenn þá hefurðu ekkert minnst á að Carra sé besti miðvörður í heimi! Mig minnir endilega að þú hafir viljað meina það á sínum tíma. Að hann hafi tekið við að Hyppy sem VAR besti miðvörður í heimi á sínum tíma (sé tekið mið af fullyrðingum þínum).

Svo vil ég ekki samþykkja að Finnan sé besti h-bak í heimi. Það er bara mín skoðun...

Mér hefur oft fundist Jamie Carragher ofmetinn. Hann var lélegur og svo sýndi hann undraverðar framfarir í leik sínum og fólk hélt þá að hann væri bara virkilega góður. Hann er svona dæmi um ástríðufullan leikmann, leikmann sem elskar klúbbinn sinn. Hann er samt sem áður frekar tæknilega lélegur. Það eru til betri leikmenn í miðverðinum en hann í heiminum, t.d. Cannavaro og Materazzi.

Mér meira að segja finnst Hyypia ennþá betri varnarmaður en Carra, en ég er líka mjög veikur fyrir finnanum ógurlega.

Það eru nú kannski ekki til margir heimsklassa hægri bakverðir, en vil ég meina að S.Finnan sé einn af þeim.

"Ég held að Finnan sé ekki bestur í sinni stöðu, ég er ekki einu sinni viss hvaða stöðu hann spilar núna - stöðugt hringl á honum í gegnum árin. Ég er ekki einu sinni viss um að ég þekki hann í sjón, enda oft varamaður í sínu liði."


Finnan er hægri bakvörður og hefur verið það alla sýna tíð, þó að vissulega sé hann stundum(mjög sjaldan reyndar) notaður á hægri kantinum. Ég get ekki séð að það sé stöðugt hringl á honum að færa hann nokkrum metrum framar á völlinn örsjaldan á leiktíð.
Hann er búinn að spila 174 leiki fyrir liverpool á 4 leiktíðum og þá er þessi meðtalin og af 174 leikjum er hann búinn að byrja inná 162 sinnum. 5 tímabilin þar á undan var hann fastamaður í byrjunarliði Fulham þannig að það er náttúrulega algert bull að hann sé oft varamaður í sínu liði!!

Og ef þú þekkir hann ekki í sjón þá er hann ekki ósvipaður Hilmari Ívars í útliti

Þetta síðasta komment var sennilega það leiðinlegasta sem ég hef lesið á ævinni!!

Hérna rétt ofar gefur Ævar það sterklega í skyn að það teljist Van der Saar til lítillækkunar að hafa spilað með Fullham, svo hrokafullt var þetta hjá honum. Síðan nokkrum cm neðar er það eitthvað voðalegt kredit fyrir Finnan að hafa verið fastamaður í liðinu hjá Fullham! Er eitthvað samhengi í þessu eða?

Dagur, auðvitað getur verið leiðinlegt að lesa eitthvað sem hentar manni kannski ekki.

Gjörólík dæmi varðandi Van Der Saar og svo Finnan.

Van Der Saar er svipaður og Kevin Davies. Var einu sinni góður og keyptur til Juventus en þurfti að sætta sig við að spila fyrir Fulham eftir það og taka þátt í bullandi fallbaráttu með því félagi í mörg ár. Steve Finnan var hinsvegar svo gott sem uppgötvaður hjá Fulham og eftir að hann var valinn leikmaður ársins hjá því félagi 2003 var hann keyptur til Liverpool.

Ævar, finnst þér ekki ótrúlega góður árangur hjá Manchester United að vera með svona slakan markvörð (að þínu mati) en samt vera búið að fá á sig fæst mörk allra liða í deildinni, eru með níu stiga forskot á Chelsea og 19 stigum, ég endurtek, 19 stigum ofar en Liverpool?

Ég vil benda mönnum á að Manchester United en með 19 stigum meira en Liverpool!!!! 19!!! Djöfull eru Liverpool lélegir!!!

verð nú bara að fá að vera með...margt skrýtið sagt hérna...ég vil endilega koma þessu að..já,Man Utd eru betri en Liverpool...en hvort sem þið haldið með Utd,Liverpool eða Tranmere þá verða menn bara að sætta sig við það að Steve Finnan er KLÁRLEGA með betri hægri bakvörðum í boltanum í dag,Solid as a ROCK...og að segja að Sissoko sé ekki leikmaður fyrir fimmaura kemur nú bara úr einni átt,Man Utd áttinni(";)..svo kom Carragher eitthvað við sögu hér ofar og þá er við hæfi að henda þessu inn " þeir sem hafa fylgst með enska boltanum síðustu ár VITA að Jamie Carragher aka King Carra hefur og er einn sá allra besti í sinni stöðu..knús til ykkar,þið líka Alli,Dagur og Andri(",)

Jú árangur Man.Utd er eftirtektaverður, m.t.t. þess með hversu lélegan markmann þeir hafa. Man.Utd hafa reyndar ekki átt góðan markvörð síðan Massimo Taibi fór frá félaginu. thíhíhí

Nú er umræðan að þróast í þá átt sem ég vildi síður að hún færi í, þ.e.a.s. Liverpool lélegir o.s.frv. og kom það comment frá hlutdrægasta fréttamanni íslands. Ég myndi jafnvel ganga svo langt að segja að Dagur ætti að gera það sama og Ómar gerði, þegar hann kom út úr skápnum og sagðist ekki lengur geta sagt fréttir, er varðaði stóriðjuframkvæmdir því þar væri hann ekki hlutlaus !

Ég hef greinilega þann hæfileika fram yfir Ómar að geta aðskilið persónulegar skoðanir og hlutleysi í starfi. Hef skrifað margar greinar bæði um Man United og Liverpool og leyfi ég mér að fullyrða að hlutleysi hefur ætíð gætt í þeim fregnum.

Og ef þú hefur ekki fattað það Ævar, þá var þessu hent fram til að kynda undir þér. Og það tókst augljóslega ;)

Að Liverpool maður sé að benda á slaka markverði hjá Manchester United er eins og að kasta grjóti úr steinhúsi. Reina er góður, Dudek VAR góður en þar á undan var Bruce Grobbelar síðasti markvörður sem stóð undir væntingum hjá Liverpool.

Liverpool eru a.m.k. sigursælasta lið englands og er ekkert sem breytir þeirri staðreynd í bráð :)